17. júlí. K Tríó
23. júlí Svavar Knútur
24. júlí. Hljómsveitin Árstíðir
Sjá nánari upplýsingar HÉR
Opnunartími
Á sumrin er kaffihúsið opið 11-18
Á veturna er kaffihúsið lokað nema sérstakir atburðir eru á dagskrá en þeir eru sérstaklega auglýstir.
Skráning á póstlista
Hvað er Sjóræningjahúsið?
Í heimildum eru til afar spennandi og
dramatískar frásagnir af komum sjóræningja til Vatneyrar við Patreksfjörð seint
á 16. öld og snemma á þeirri 17. Þessar frásagnir eru kveikjan að hugmyndinni
sem býr að baki Sjóræningjahúsinu.
Starfsemi Sjóræningjahússins er margþætt;
fyrst og fremst er um sýningu að ræða sem segir sögur af sjóránum við
Íslandsstrendur, minjagripa- og handverksverslun er í húsinu og þar er einnig rekið kaffihús. Markmið okkar er að fjölskyldur geta komið og eytt tíma
saman og allir finni eitthvað spennandi að skoða.
Á kaffihúsinu er lögð mikil
áhersla á góða þjónustu fyrir yngstu gestina, bæði í veitingaúrvali og
afþreyingarefni en þar er mikið til af bókum og spilum fyrir fólk á öllum
aldri.
Þar sem um stórt verkefni er að ræða verður
að vinna það í mörgum skrefum og fyrsti hlutinn var opnaður í maí 2008. Sá
hluti er kaffihúsið, minjagripa- og handverksverslunin og lítil sýning sem má
segja að sé inngangur að því sem koma skal. Vorið 2009 verður hönnun útisvæðis
lokið og mun vinna við það hefjast vorið 2010.
Þjónusta í Sjóræningjahúsinu
Á veturna er hægt að leigja kaffihúsið sem aðstöðu til veislu-, funda- og tónleikahalds með möguleika á léttum veitingum. Á kaffihúsinu erum við með góða fundaraðstöðu með skjávarpa, tjaldi og þráðlausu interneti.
Eldsmiðjan er salur í Sjóræningjahúsinu sem tekinn var í notkun vorið 2009. Salurinn er notaður undir menningarviðburði af ýmsu tagi og þar hafa t.d. verið haldnir tónleikar, fyrirlestrar og sirkussýningar. Þar fyrir utan er salurinn leigður út til einkasamkvæma og einnig er þar tekið á móti hópum í mat.
Eldsmiðjan er 100 m2 og þar komast 60 manns í sæti við borð, ef borðunum er sleppt komast 100 manns í sæti.
Þeim sem hafa áhuga á að troða upp í Sjóræningjahúsinu er bent á að hafa samband við Öldu í síma 845-5366 eða á
Þetta netfang er varið fyrir ruslpóst snöpum, þú þarf að hafa javascript virkt í vafranum til að sjá það.
Í Sjóræningjahúsinu er starfræktur skiptibókamarkaður þar
sem gestir geta komið með bækur og tekið aðrar í staðinn. Í hillum
Sjóræningjahússins eru yfir 400 bókatitlar sem bíða, á nokkrum tungumálum og
fyrir allan aldur.
